ရေဒါလေဆာနှင့် အမြန်နှုန်းတိုင်း ထောက်လှမ်းရေး ကင်မရာများ

333

 

ယာဉ်အန္တရာယ် လျော့နည်းကျဆင်းရေးအတွက် ယာဉ်စည်းကမ်း ထိန်း သိမ်းရာတွင် မော်တော်ယာဉ်များ၏အမြန်နှုန်း(Speed)ကို ကန့်သတ် ထိန်းချုပ်ထားသည်။ ဥပဒေအရ ကန့်သတ်အမြန်နှုန်း Speed ထက် ပို၍မောင်းနှင်သော မော်တော်ယာဉ်များ၊ စည်းကမ်းမလိုက်နာသော မော် တော်ယာဉ်များကို စစ်ဆေးအရေးယူရာတွင် ယာဉ်ထိန်းရဲအရာရှိများသည် ရေဒါထောက်လှမ်းရေးကိရိယာများ၊ အမြန်နှုန်းတိုင်းကင်မရာ(Speed Camera) များကို အသုံးပြုရသည်။ မြို့ပြယာဉ်ကြောသွားလာမှု ထိန်းချုပ် ရေးစနစ်များတွင် ရေဒါ၊ လေဆာထောက်လှမ်းရေးကိရိယာများ (Rader Detectors) များနှင့် Speed Camera များကို တပ်ဆင် အသုံးပြုရသည်။ ယာဉ်တိုက်မှုအများဆုံး ဖြစ်ပွားသောနေရာသည် Traffic Control ဧရိယာ ဖြစ်သည်။ ယာဉ်ကြောများ ဆုံတွေ့သော Traffic Control ဧရိယာတွင် မော်တော်ယာဉ်များ၏ အမြန်နှုန်းကို ကန့်သတ်ထားသည်။ ကန့်သတ်အမြန် နှုန်းထက်ကျော်လွန်၍ မောင်းနှင်သော မော်တော်ယာဉ်များ၏ မောင်းနှင်မှု မှတ်တမ်းကို Laser Detectors များဖြင့် မှတ်တမ်းတင်နိုင်သည်။ အငြင်း ပွားဖွယ်ရာ အမြန်နှုန်းသတ်မှတ်ချက်များအတွက် Laser Detectors များမှ မှတ်တမ်း Data များသည် တရားဝင်သက်သေအဖြစ် အသုံးပြုနိုင်သည်။
Highway အမြန်လမ်းများတွင် ဖြစ်ပွားရသော ယာဉ်မတော်တဆမှု များတွင် သတ်မှတ်အမြန်နှုန်းထက် ကျော်လွန်အောင် မောင်းနှင်ကြသောကြောင့် ဖြစ်သည်။ အမြန်နှုန်းတားမြစ်ချက်အား စစ်ဆေးအရေးယူနိုင်ရန်အတွက် သက်ဆိုင်ရာအမြန်လမ်းရဲတပ်ဖွဲ့သည် Speed Camera များကို အသုံးပြု ရသည်။ ယာဉ်ထိန်းရဲမရှိသော နေရာများတွင် စည်းကမ်းဖောက်ဖျက်သော ယာဉ်များကို မှတ်သားဖမ်းဆီး အရေးယူနိုင်ရန်အတွက်လည်း Speed Camera များ တပ်ဆင်အသုံးပြုနိုင်သည်။

ရေဒါထောက်လှမ်းမှု အခြေခံသဘောတရား
ရေဒါတွင် ရေဒီယိုလှိုင်းများ (Radio Waves) ကို အသုံးပြုထားသည်။ ရေဒီယိုလှိုင်းများသည် လျှပ်စစ်သံလိုက်လှိုင်းများဖြစ်သည်။ လျှပ်စစ် သံလိုက် လှိုင်းများသည် အသံလှိုင်းများကဲ့သို့ ပဲ့တင်ပြန်နိုင်သော သဘာဝ ရှိသည်။ ကြီးမားသော အဆောက်အအုံတစ်ခုမှ ခပ်လှမ်းလှမ်းတစ်နေရာတွင်ရပ်ပြီး အသံကျယ်လောင်စွာ အော်ဟစ်လိုက်ပါက စက္ကန့်ပိုင်း အချိန်အနည်းငယ် အတွင်း မိမိ၏ပဲ့တင်သံကို ပြန်ကြားရပါလိမ့်မည်။ ရေဒီယိုလှိုင်းများသည် လည်းတစ်နေရာမှ ထုတ်လွင့်လိုက်စဉ် အရာဝတ္ဃုတစ်ခုကို ရိုက်ခတ်ပြီး တန်ပြန်ရိုက်ခတ်သော ပဲ့တင်လှိုင်းများသည် မူလနေရာသို့ ပြန်ရောက်လာ တတ်သည်။ ထိုသဘောတရားကို အခြေခံ၍ရေဒါကိရိယာကို တီထွင် ခဲ့ကြသည်။
ရေဒီယိုလှိုင်းများ၏ အမြန်နှုန်း(Speed)သည် အလင်း၏ အမြန်နှုန်း အတိုင်း အလွန်လျင်မြန်သည်။ ဒေါ့ပလာ အကျိုးသက်ရောက်မှု (Doppler Effect) သဘောတရားအရ ရွေ့လျားနေသော မော်တော်ယာဉ်၏ အမြန် နှုန်းနှင့် အကွာအဝေးကို တွက်ချက်သိရှိနိုင်သည်။ ဒေါ့ပလာ အကျိုး သက်ရောက်မှု သဘောတရားကို အထက်တန်းရူပဗေဒပညာတွင် ကျွနု်ပ်တို့ သိရှိလေ့လာခဲ့ပြီး ဖြစ်ပါသည်။ ရွေ့လျားနေသော အရာဝတ္ဃုတစ်ခုသည် ပို၍ဝေးရာဆီသို့ရွေ့နေလျှင် ထိုအရာဝတ္ဃုမှ အသံလှိုင်းများသည် ပို၍ လျော့ကျသွားသည်။ အသံများ ပို၍တိုးသွားသည်။ အကယ်၍ ရွေ့လျား မှုသည် ပို၍နီးကပ်လာပါက ထိုအရာဝတ္ဃုမှ အသံလှိုင်းများ ပို၍ကျယ် လောင်စွာ ကြားလာရသည်။
ဤသဘောတရားအခြေခံသည် ရိုးရှင်းလွယ်ကူသော သဘောတရား ဖြစ်သည်။ ရေဒါထောက်လှမ်းရေးစနစ်တွင် ရွေ့လျားနေသော မော်တော် ယာဉ်၏ Speed ကို Doppler Effect အပေါ်အခြေခံ၍ အသုံးချတည် ဆောက်ထားသည်။ ပဲ့တင်သောအသံလှိုင်း(Echo Frequency) ဖရီကွမ်စီ အနိမ့်အမြင့်အပေါ်မူတည်၍ ရေဒါတည်နေရာမှ ရွေ့လျားနေသော အရာဝတ္ဃု၏ အမြန်နှုန်း (Speed)ကို တွက်ချက်သိရှိနိုင်ခြင်းဖြစ်သည်။
မော်တော်ယာဉ်များ၏ ရွေ့လျားနေသော အမြန်နှုန်း (Speed) ကို အဝေးမှ ထောက်လှမ်းသိရှိနိုင်သော Speed Camera များအား အုပ်စု သုံးမျိုးခွဲထားသည်။ Mobile ကင်မရာ၊ အသေတပ်ဆင်ထားသော Fixed Speed Camera နှင့် ပျမ်းမျှအမြန်နှုန်းတိုင်း Average Speed Camera တို့ ဖြစ်သည်။ Mobile Camera သည် ယာဉ်ထိန်းရဲတပ်ဖွဲ့များ သုံးသော Speed Camera ဖြစ်သည်။ ပုံသဏဥာန်နှင့် ဆိုဒ်မျိုးစုံလာပြီး ရဲကားများတွင် တပ်ဆင်အသုံးပြုနိုင်သည်။ လက်ကိုင်အမျိုးအစားနှင့် ွမငစသိ သုံးချောင်းထောက် အမျိုးအစားလည်း တွေ့နိုင်သည်။
ထိုကင်မရာမျိုးတွင် လေဆာနည်းပညာ (Laser Technology)ကို အသုံးပြုထားသည်။ LASER ၏ အဓိပ္ပာယ်မှာ Light Amplification by Stimulated Emission of Radiation ၏ အတိုကောက်အခေါ်အဝေါ် ဖြစ်သည်။ မီတာ ရှစ်ရာအတွင်း ဝင်လာသော မော်တော်ယာဉ်များ၏ Speed ကို ထောက်လှမ်းပေးနိုင်သည်။Mobile Camera တွင် မော်တော်ယာဉ် များ၏ Direction ကိုပါ သိရှိနိုင်သည်။ ဖရီးကွမ်စီကြိမ်နှုန်း (Frequency) တိုးလာလျှင် မော်တော်ယာဉ်သည် အဝင်ခရီးဖြစ်ပြီး ဖရီကွမ်စီ ကျဆင်းသွားလျှင် မော်တော်ယာဉ်သည် ပို၍ဝေးရာဆီသို့ ထွက်ခွာသွားခြင်းဖြစ်သည်။

ပုံသေစိုက်ထူထားသော Fixed Speed Camera
လမ်းဘေးတွင် တောက်ပသော အရောင်ချယ် Box များ ပုံသေစိုက်ထူ ထားပြီး Speed Camera များ တပ်ဆင်ထားသည်။ Overpass တံတားများ တွင် Speed Camera များကို ချိတ်ဆွဲထားသည်။ ဤအမျိုးအစား ကင်မရာတွင် မော်တော်ယာဉ်များ၏ အမြန်နှုန်းကို ထောက်လှမ်းသိရှိရန် Piezo Electronic Detectors ကို ကားလမ်းမျက်နှာပြင်၌ မြှုပ်သွင်း ထားသည်။ ကားဖြတ်သန်းမှုကိုထောက်လှမ်းနိုင်သော ဝါယာနှစ်စုံကို လမ်းသားအတွင်း၌ မြှုပ်သွင်းထားခြင်းဖြစ်သည်။
ထိုအရာကို ကားဖြတ်ကျော်သွားပါက အီလက်ထရွန်းနစ် Signal ဖြင့် ကင်မရာကို အချက်ပြသည်။ အကယ်၍ ဖြတ်သန်းသွားသော ကား၏အမြန်နှုန်းသည် သတ်မှတ်ကန့်သတ်ထားသော Speed ထက်ပိုနေပါက ဒစ်ဂျစ်တယ်ရုပ်ပုံများကို မှတ်တမ်းတင်ထားသည်။ ဖြတ်သန်းသွားသော ကားများ၏ Speeds ကို ဆုံးဖြတ်ပေးနိုင်ခြင်းသည် လမ်းသားအတွင်း မြှုပ်သွင်းထားသော ပထမ Detector ဝါယာနှင့် ဒုတိယ Detector ဝါယာ တို့၏ Signal သတင်ပေးပို့ချက် အချိန်ကွာခြားမှုအပေါ်တွင် မူတည်သည်။
Fixed Camera များသည် ဖြတ်သန်းသွားသော မော်တော်ယာဉ် များ၏ နေ့စွဲ၊ အချိန်၊ နေရာ၊ ခရီးဦးတည်ရာ၊ လားရာ အမြန်နှုန်း၊ ကန့်သတ် အမြန်နှုန်း ကျော်လွန်မှု စသော Data အချက်အလက်များကို မှတ်တမ်း တင် သိမ်းဆည်းထားနိုင်သည်။ Wide Angle မှန်ဘီလူးပါသော ကင်မရာ အမျိုးအစားဖြစ်၍ လမ်းအခြေအနေအမျိုးမျိုးတွင် မြင်ကွင်းကျယ်ကို မှတ်တမ်း တင်နိုင်သည်။ ကားတစ်စီးချင်း၏ လိုင်စင်နံပါတ်ပြားများကိုပါ ဓာတ်ပုံရိုက် ကူး မှတ်တမ်းတင်နိုင်စွမ်း ရှိသည်။ ထိုကင်မရာ တပ်ဆင်ထားသောဧရိယာ အတွင်း ယာဉ်တိုက်မှုဖြစ်ပေါ်ပါက ဖြစ်စဉ်အသေးစိတ်ကို ပြန်လည်ကြည့်ရှု ၍ သက်ဆိုင်ရာ ယာဉ်မှုစစ်အရာရှိမှ အမှန်တရားကို ဖော်ထုတ်နိုင်သည်။ တရားရုံးသက်သေအဖြစ် မှတ်တမ်းကို အသုံးပြုနိုင်သည်။ ၂၄ နာရီအချိန် ပြည့် စောင့်ကြည့်နိုင်သော ကင်မရာစနစ်ဖြစ်၍ ယာဉ်ထိန်းရဲရှိသည်ဖြစ်စေ၊ မရှိသည်ဖြစ်စေ ပြစ်မှုကျူးလွန်ခဲ့သော မော်တော်ယာဉ်၏ မှတ်တမ်းများ အရ စုံစမ်းဖော်ထုတ်နိုင်သည်။ Fixed Speed Camera များသည် ယာဉ် စည်းကမ်း လိုက်နာစေရေးအတွက် ယာဉ်မောင်းတိုင်းကို စောင့်ကြည့်နိုင်သော ထောက်လှမ်းရေးကိရိယာ ဖြစ်သည်။

Average Speed Cameras
Average Speed Camera ၏ အခြေခံသဘောတရားသည် ရိုးရှင်း လွယ်ကူသည်။ ပွိုင့်အမှတ်(A)နှင့် ပွိုင့်အမှတ်(B)တို့ကြားရှိ အကွာအ ဝေးကို သိရှိထားပြီး ပွိုင့်အမှတ်တစ်ခုမှ ယာဉ်တစ်စီး ထွက်ခွာလာစဉ် ကြန့် ကြာသောအချိန်ကိုအခြေခံ၍ ပျမ်းမှျအမြန်နှုန်းကို တွက်ချက်သိရှိနိုင်သည်။ ထို့ပြင်မော်တော်ယာဉ်၏ မှတ်ပုံတင်နံပါတ်ပြားကို ဖတ်ပြီး သိမ်းဆည်းထား နိုင်သည်။ အနီအောက်ရောင်ခြည်(Infrared) နှင့် မော်တော်ယာဉ်ဆိုင်ရာ သတင်းအချက်အလက်များကို အသုံးပြု၍ ယာဉ်မှတ်ပုံတင် လိုင်စင်နံပါတ် ပြားကို ဖတ်ရှုမှတ်တမ်းတင်ခြင်းဖြစ်သည်။ ဤကဲ့သို့ ကင်မရာအမျိုးအစားကို Speed Enforcement Camera System (SPECS) ဟု လည်း ခေါ်ဆိုကြသည်။
လေဆာရောင်ခြည်အခြေခံသော Speed ကင်မရာများတွင် နိုင်ငံ တကာစံနှုန်း Frequency များ အသုံးပြုသည်။ ဥရောပနိုင်ငံများတွင် သုံးစွဲသော ရေဒါ Band အမျိုးအစားများမှာ X Band ၊ K Band ၊ Ka Band နှင့် Ku Band အမျိုးအစားများဖြစ်သည်။ နောက်ဆုံးအသုံးပြုနေ သော ရေဒါ Band မှာ Ku Band ဖြစ်ပြီး Frequency Range 12.75 GHz – 100 Mhz ရှိသည်။ Speed Camera များသည် စည်းကမ်း မလိုက် နာသော မော်တော်ယာဉ်များကို ထောက်လှမ်းဖော်ထုတ်နိုင်ပြီး ဒစ်ဂျစ် တယ်ပုံရိပ်(Digital Image)အဖြစ် မှတ်တမ်းတင်ထားသည်။ Digital Image မှတ်တမ်းတွင် ပါဝင်သော အချက်အလက်များမှာ –
– အခင်းဖြစ်ပွားသော နေ့စွဲ၊
– ပြစ်မှုကျူးလွန်သော အချိန်၊
– တည်နေရာ အသေးစိတ်၊
– မော်တော်ယာဉ်၏ ဦးတည်ရာ Direction ၊
– အမှား ကျူးလွန်ခဲ့သော Speed ၊
– Speed Camera ထားရှိရာ လမ်းမှ အမြန်နှုန်းကန့်သတ်ချက်၊
– ပြစ်မှုကျူးလွန်သော မော်တော်ယာဉ်နေရာယူထားသည့် ယာဉ်ကြော လမ်းကြောင်း၊
– အခြားလုံခြုံရေးနှင့် မှန်ကန်သော သတ်မှတ်ချက်ဘောင်များ။
လေဆာ Detector များနှင့် Speed Camera များသည် ယာဉ် စည်းကမ်းထိန်းသိမ်းရေးတွင် မရှိမဖြစ်သော အီလက်ထရွန်းနစ် ပစ္စည်း ကိရိယာဖြစ်ပါသည်။ ယာဉ်ေြကာသွားလာမှု ထိန်းချုပ်ေရးစနစ်များတွင် လည်း အေထာက်အကူြပုေပးနုိင်ေသာ ပစ္စည်းကိရိယာများြဖစ်ပါသည်။

LEAVE A REPLY

Please enter your comment!
Please enter your name here