ထုတ်​လုပ်​မှုကိုဦးစား​ပေး​ရန်​   ပြည်ပမှတင်​သွင်​းသည့်​ လျှပ်​စစ်ကားများကို   ၁   ရာခိုင်​နှုန်း မှ ၂ဝ  ရာခိုင်နှုန်းအထိ အခွန်တိုးမြင့်ကောက်​ခံခြင်း ဖြစ်သည်ဟု ဆို

ပြည်တွင်းထုတ်​လုပ်​မှုကို ဦးစား​ပေးနိုင်​ရန်​ ပြည်​ပမှတင်​သွင်​းသည့် လျှပ်​စစ်​ကားများကို ယခင်​ ၁ ရာခိုင်​နှုန်းမှ ယခု ၂ဝ ရာခိုင်နှုန်းအထိ အခွန်တိုးမြင့်ကောက်​ခံခြင်းဖြစ်​​ ကြောင်း အ​ကောက်​ခွန်​ဦးစီးဌာနမှ တာဝန်ရှိသူ တစ်ဦးက ပြောသည်။

မြန်​မာနိုင်​ငံတွင်​ လျှပ်​စစ်ကားများကို ILBC ကျောင်းသားများက စမ်းသပ်​ထုတ်​လုပ်​ခဲ့ဖူးပြီး ပြည်​တွင်း၌ ယင်းကဲ့သို့ လျှပ်​စစ်​ကားများ ထုတ်လုပ်လာနိုင်​ရန်​နှင့် ပြည်​ပမှ အသုံးပြုပြီး​သော​ကားများ တင်​သွင်းခြင်းကို​ လျှော့ချရန် ရည်​ရွယ်​၍ အကောက်​ခွန်​တိုးမြင့်ရခြင်းဖြစ်​​ကြောင်း သိရသည်။

”ကနဦး​ ရှေ့​ပြေးအ​နေနဲ့ ILBC ကျောင်းသားတွေက လျှပ်စစ်​ကားကို စမ်းသပ်ထုတ်​လုပ်ခဲ့ဖူးတယ်​၊ ပြည်တွင်းမှာ လျှပ်​စစ်​ကား​တွေ ထုတ်လုပ်မှုကို အားပေးချင်​တဲ့အတွက်​ ပြည်​ပကနေ တင်သွင်းမယ့် လျှပ်​စစ်ကား​တွေကို အကောက်​ခွန်​တိုးမြင့်တာ ဖြစ်ပါတယ်​၊ ဒီမှာ စက်ရုံတွေ တည်ထောင်ပြီး တပ်​ဆင်​ထုတ်​လုပ်မယ်ဆို​ရင်​ ရင်းနှီးမြုပ်​နှံမှုတွေရမယ်​၊ အလုပ်​အကိုင်​အခွင့်အလမ်း​တွေ ရမယ်၊ နိုင်​ငံခြား​ငွေသုံးစွဲမှုလည်း လျှော့ ချနိုင်​မှာ ဖြစ်​ပါတယ်​၊ နောက်​ပြီး ဒီမှာ တပ်​ဆင်​ထုတ်​လုပ်​​နေသူ​တွေကို အားပေးချင်​တဲ့အတွက် SKD ၊ CKD​ တွေရဲ့ ​အ​ကောက်​ခွန်​နဲ့ မတိမ်း မယိမ်းဖြစ်​​အောင်​ အရင်​ ၁ ရာခိုင်နှုန်းကနေ​ အခု ၂ဝ ရာခိုင်​နှုန်​းအထိ တိုးမြင့်ရတာဖြစ်​ပါတယ်​”ဟု အ​ကောက်​ခွန်​ဦးစီးဌာနမှ တာဝန်ရှိသူတစ်​ဦးက​ ပြောသည်​။

​အောက်​တိုဘာ ၁ ရက်မှစ၍ လျှပ်​စစ်​ကားများကို အ​ကောက်​ခွန်​ ၁ ရာခိုင်​နှုန်းအစား ၂ဝ ရာခိုင်​နှုန်းဖြင့်​ တိုးမြင့်​ကောက်ခံလျက်​ရှိပြီး လုပ်​ငန်း သုံးကားများအပါအဝင် Truck နှင့် Bus များကိုလည်း ၁ဝ ရာခိုင်​နှုန်း တိုးမြင့်​ကောက်​ခံလျက်​ရှိ​ကြောင်း သိရသည်​။

ကိုရဲ၊ ဆန်းသစ်အောင်