ကားအရောင်းစင်တာများအတွက် လအလိုက်တင်သွင်းခွင့်ပေးမည့် ကားအစီးရေကို ယမန်နှစ်အတိုင်း ခွင့်ပြုပေးမည်

517

ရန်ကုန်၊ ဇန်နဝါရီ
ကားအရောင်းစင်တာများအတွက် လအလိုက်တင်သွင်းခွင့်ပေးမည့် ကားအစီးရေကို ၂ဝ၁၉ ခုနှစ်အတိုင်း ခွင့်ပြုပေးမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ သိရသည်။

ကားအရောင်းစင်တာများကို ယခုနှစ်တွင်လည်း ဖရီးပါမစ်ဖြင့် ကားအစီးရေငါးဆယ်၊ ယာဉ်အို/ ဟောင်းစလစ်ကပ်ဖြင့် အစီးရေတစ်ရာ ခွင့်ပြုပေးမည်ဖြစ်သည်။ တင်သွင်းထားသည့်ကားများထဲမှ ရောင်းထွက်သွားသည့်ကားများအတွက်သာ အသစ်ထပ်မံတင်သွင်း ခွင့်ပေးမည်ဖြစ်သည်။

‘‘ကားအရောင်းစင်တာတွေကို အရင်နှစ်ကလိုပဲ ဖရီးပါမစ် ငါးဆယ်၊ ယာဉ်အို/ဟောင်းအစီး တစ်ရာ ခွင့်ပြုပေးမှာ ဖြစ်ပါတယ်၊ တင်သွင်းထားတဲ့အထဲက ရောင်းထွက်သွားတဲ့ကားအရေအတွက်ကို အသစ် ထပ်မံတင်သွင်းခွင့်ပေးမှာ ဖြစ်ပါတယ်၊ မိုဒယ်သတ်မှတ်ချက် ကြောင့် တင်သွင်းမှုအစီးရေ ဖောင်းပွ မှုမရှိနိုင်တဲ့အတွက် အရင်နှစ်က လိုပဲ ခွင့်ပြုပေးတာ ဖြစ်ပါတယ်’’ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူတစ်ဦးက ပြောသည်။

ကားအရောင်းစင်တာများ ကားတင်သွင်းခွင့်အတွက် ကန့်သတ်ခြင်းကို ၂ဝ၁၆ ခုနှစ်ကဆောင် ရွက်ခဲ့ပြီး ထိုအချိန်က ယာဉ်အို/ ဟောင်းအစီး ၁၅ဝ၊ ဖရီးပါမစ်အစီး ငါးဆယ်အထိ တင်သွင်းခွင့်ပေးခဲ့ သည်။ ထို့နောက်တင်သွင်းခွင့်ကို တဖြည်း ဖြည်းလျှော့ချခဲ့ပြီး ၂ဝ၁၉ ခုနှစ်တွင် ယာဉ်အို/ဟောင်းအစီး တစ်ရာ၊ ဖရီးပါမစ် အစီးငါးဆယ် တင်သွင်းခွင့်ပေးခဲ့သည်။ ယခုနှစ်တွင်မူ အပြောင်းအလဲမပြုလုပ်ဘဲ ၂ဝ၁၉ ခုနှစ် သတ်မှတ်ချက်အတိုင်း ခွင့်ပြုပေးသွားမည်ဖြစ်ကြောင်း သိရသည်။
ဆန်းသစ်အောင်

LEAVE A REPLY

Please enter your comment!
Please enter your name here